Maraming blessings ngayon si Kim Chiu dahil bukod sa nakalinyang mga projects niya ay mapararangalan din siya sa nalalapit na Guillermo Mendoza awards sa pagkakapili sa kanya bilang Princess of Philippine TV.

Kahit na lumaking malayo sa mga magulang dahil hiwalay ang mga ito, naging maayos si Kim dahil nasa tabi niya ang mga kapatid at ang kanyang lola. Gayunpaman, hindi raw siya nagtanim ng sama ng loob sa kanyang mga magulang. “Never, hindi talaga. Siguro sandali lang, parang nagtanong lang ako kung bakit, pero ito ang buhay mo, ito ang destiny mo, tinuturuan ka kung paano tumayo ng sarili and to stay strong.”

Upang mabigyan ng magandang buhay ang kanyang pamilya nangarap at nagsikap si Kim kaya nanalo siya sa unang Pinoy Big Brother Teen Edition. 

Samantala, inilarawan naman isa-isa ni Kim ang mga lalaking nali-link sa kanya. Aniya, friend ang turing niya kay Enrique Gil na diumano’y nanligaw sa kanya. Pero ang paliwanag ni Kim, “Kaibigan lang talaga siya.” Minsan daw ay nagkakatextan sila at hindi niya alam kung saan galing ang mga issue na nililigawan niya ng aktor.

Long-time friend naman ang paglalarawan niya kay Gerald Anderson. “Okay naman, masaya naman kami sa kanya-kanya naming buhay,” sabi ng aktres. Huli raw silang nagkita noong nagkaroon ng show ang Star Magic sa sa Hawaii.  Simpleng batian lang daw ang nangyari sa kanila recently. May gagawing pelikula sina Kim at Gerald para sa Star Magic anniversary at naging matipid naman ang sagot ni Kim nang matanong kung ano ang reaksyon niya sa pagsasama nila. “’Pag trabaho, trabaho. Siyempre kailangan namin gawin ‘to. Okay naman. We’re okay, we’re good friends.”

Good friend naman daw ang turing niya sa kanyang present on screen partner na si Xian Lim. Kinumpirma rin ni Kim na si Xian ang nagpadala sa kanya ng magarbong bulaklak ang mag-birthday siya last week. Pagdating daw niya ng bahay ay punong-puno ito ng roses. Para naman sa kanilang mga taga-hanga, nabanggit din ni Kim na mayroon din silang upcoming movie ni Xian under Star Cinema. 

Ibinuking din ng malapit na kaibigan ni Kim na si Enchong Dee sa video birthday message nito na pinalabas sa The Buzz, na may mga nanliligaw ngayon kay Kim na showbiz at non-showbiz. “Basta I’m happy, 100 percent happy and thanks sa lahat-lahat ng nagpaparamdam sa akin na mahal nila ako. “

Nang tanungin siya ni Charlene Gonzales kung ano ang hanap niya sa lalaking magpapatibok ng kanyang puso, ang sagot ni Kim. “Sincerity, faithfulness, kabaitan. Basta alam kong mas mahal ako.”

Best Latest News